በሚቀጥሉት አስር ዓመታት (2013-2022 ዓ/ም) ወደ ትግበራ በሚገባው የዘርፉ መሪ ዕቅድ ከገጠር የመጠጥ ውሃ አቅርቦት አንጻር በ1 ኪ/ሜ ርቀት በነፍስ ወከፍ በቀን 40 ሊትር ውሃ በማቅረብ  ሽፋኑን በዕቅድ ዘመኑ መነሻ 2012 ዓ/ም ከነበረበት 35.42% በዕቅድ ዘመኑ መጨረሻ 2022 ዓ/ም 100% ለማድረስ የሚሰራ ይሆናል፡፡ በተመሳሳይ በከተማ ንፁህ መጠጥ ውሃ አቅርቦት አንጻር በነፍስ ወከፍ በቀን ደረጃ 40 ሊትር ውሃ በማቅረብ ሽፋኑን በዕቅድ ዘመኑ መነሻ 2012 ዓ/ም ከነበረበት 32% በዕቅድ ዘመኑ መጨረሻ 2022 ዓ/ም 100% ለማድረስ የሚሰራ ይሆናል፡፡ ለከተማው የሚቀርበው የውሃ መጠን ከተማው በተሰጠው ደረጃ የሚወሰን ሲሆን ይህም በከተማው የሚኖረው የህዝብ ብዛትን መነሻ ያደርጋል፡፡ በአጠቃላይ የወረዳውን የገጠርና ከተማ የንፁህ መጠጥ ውሃ አቅርቦት ሽፋንን በዕቅድ ዘመኑ መነሻ 2012 ዓ/ም በአማካይ ከነበረበት 35.42% በዕቅድ ዘመኑ መጨረሻ 2022 ዓ/ም 100% ለማድረስ የሚሰራ ይሆናል፡፡ከዘመናዊ መስኖ ልማት አንጻር አስተማማኝ የውሀ አቅርቦት እንዲኖር ደግሞ ከመቼውም በተሸለ መልኩ ተስማሚ አካባቢዎችንና ከፍተኛ የዝናብ መቆራረጥና እጥረት ያለባቸዉ ቦታዎችን በመምረጥ ግድብ ግንባታና የከርሰ ምድር ውሀ ልማት ማከናወን፣ ውሀ ቆጣቢና ዘመናዊ የመስኖ ቴክኖሎጂዎችን ማስፋፋት፣ የአምራቹን ህብረተሰብ እውቀት፣ ግንዛቤና ክህሎት ማሳደግ እና አስፈላጊ መሰረተ ልማቶችን በስፋት መዘርጋት ዋናዋና መሰረታዊ እርምጃዎች ተብለዉ ተለይቷል፡፡ከአማራጭ ኢነርጂ ልማት አንጻር ዘመናዊና የተሻሻሉ ባህላዊ አማራጭ የኢነርጂ ቴክኖሎጂዎች በአይነትና መጠን በሰፊው የህዝቡን ፍላጎት ጋር የተመጣጠነ አቅርቦትና ስርጭት ለማድረግ ታቅዷል። በመሆኑም ህጋዊ እውቅና የተሰጣቸው የቴክኖሎጂ አቅራቢ ማህበራት ቁጥር በመጨመር አቅርቦቱን ማሻሻል እና የአካባቢ አምራች ነባር ማህበራት ነባሩን በቂ ምርት እንዲያመርቱ ማድረግ እና አዲስ ማህበራት በማደራጀት ወደ ስራ እነዲገቡ ይደረጋል።ከማዕድን ሀብት ጋር ተያይዞ በተለይ በወረዳው የሚገኙ የግንባታ ማእድናት በአይነትና ጥራት ክምችቱን በመለየት ለተደራጁ ስራ አጥ ወጣቶች የስራ እድል እንዲፈጠርላቸው በልዩ ትኩረት የሚሰራ ሲሆን ነባር ማህበራት በወቅቱ እንዲሸጋገሩ በቂ ድጋፍና ክትትል ይደረጋል።በሚቀጥሉት አስር ዓመታት ተፈጻሚ የሚሆኑ የዘርፉ የልማት ሥራዎች ከምን ጊዜውም በተሻለና በላቀ ሁኔታ ጥራታቸው የተጠበቀ እንዲሆን የሚደረግ ሲሆን ከዚህ ጋር በተያያዘ ዕቅዱን ተፈጻሚ ለማድረግ ከፍተኛ መዋዕለ ነዋይ የሚጠይቅ ሲሆን በተለይ ለመጠጥ ውሃ ተቋማት ግንባታ ሥራዎች ኢንቨስትመንት ፍላጎት ከፍተኛ ነው፡፡ ስለሆነም ህብረተሰቡን በሰፊው የማነቃነቅና የግሉ ባለሀብት ተሳትፎ ማሳደግ ከፍተኛ ትኩረት ተሠጥቶ ሊሰራበት የሚገባ ጉዳይ ይሆናል፡፡