ክትትል፣ድጋፍ፣ግምገማና ማማከር 

ውጤት ፡– ዉጤታማ የዕቅድ አፈጻጸምና ውሳኔ

ሴክተሩ ከሀገራዊና ክልላዊ ፖሊሲዎች፣ፕሮግራሞችና ፕሮጀክቶች አንፃር ተቃኝተው የተዘጋጁ የሴክተሮችን ዕቅድ ከተጣሉ ሀገራዊና ክልላዊ ግቦች አኳያ በመገምገም፣አፈፃፀማቸውን በመከታተል፣በመደገፍና ግብረ-መልስ በመስጠት ዉጤታማ የዕቅድ አፈጻጸም እንዲኖር በማስቻል እና ውሳኔ የሚሹ ጉዳዮችን አጣርቶ የማቅረብና የማማከር ሥራዎችን በመስራት የህብረተሰቡን ተጠቃሚነት ማረጋገጥ ስለሚጠበቅበት

 “ክትትል፣ድጋፍ፤ግምገማና ማማከር አንዱ የትኩረት መስክ ሆኖ ሲመረጥ

የሴክተሮች ዕቅድ ዝግጅት ከፖሊሲዎች፣ ከፕሮግራሞችና ከተጣሉ ግቦች አንፃር ተቃኝተው መዘጋጀታቸውን የመገምገምና የማረጋገጥ፣

• ውሳኔ በሚሹ ጉዳዮች ላይ የማማከር
• የሴክተሮች ዕቅድ ከተጣሉ ግቦች አንፃር እየተፈፀሙ መሆናቸውን የመከታተል፣ የመደገፍ፣ የመገምገምና ግብረ-መልስ የመስጠት፣
• የዕቅድ አፈፃፀም ሪፖርቶችን የመገምገም፣ የማጠናቀርና ለሚመለከተው አካል የማቅረብ፣
• በክትትል፣ድጋፍና ግምገማ ሂደት የተለዩ የአሰራር ክፍተቶች እንዲሻሻሉ አስተያየት የማቅረብ ስራ የሚሰራበት ስለሆነ የትኩረት መስክ ሆኖ ሊመረጥ ተችሏል፡፡

ውጤት፡– የጎለበተ የግልጸኝነትና የተጠያቂነት አሰራር

ቀጣይነት ያለው ኢኮኖሚያዊ፣ ማህበራዊና ፖለቲካዊ ልማት በማስመዝገብ ህብረተሰቡን ተጠቃሚ ለማድረግ መንግስት የመልካም አስተዳደር ፕሮግራሞችና ፓኬጆችን ቀርፆ ተግባራዊ እንቅስቃሴ በማድረግ ላይ ይገኛል፡፡ ከዚህ አንፃር ሴክተሩ በቅሬታ መንስኤዎችና መፍትሄዎች ላይ የጥናት ሥራ በመስራት፣የሪፎርም ማሻሻያ ፕሮግራሞች በተሳለጠ መንገድ እንዲተገበሩ በማድረግ፣አስተዳደራዊ ቅሬታዎችንና አቤቱታዎችን በመፍታት፣የወረዳው ሰላምና ፀጥታ እንዲረጋገጥ በማስተባበር እንዲሁም በመልካም አስተዳደር ጉዳዮች የፈፃሚውና የህብረተሰቡ ግንዛቤ እንዲያድግ በማድረግ የጎለበተ የግልጸኝነትና የተጠያቂነት አሰራር እንዲኖር ይህ

“መልካም አስተዳደር” የትኩረት መስክ ሆኖ የተመረጠ ሲሆን ፡-

• የቅሬታና አቤቱታ መንስኤዎችንና መፍትሔዎቻቸውን በጥናት የመለየት፤
• አስተዳደራዊ ቅሬታዎችንና አቤቱታዎችን የመፍታት፣
• የሪፎርም ፕሮግራሞችና ፓኬጆች በተሳለጠ መንገድ እንዲተገበሩ የማድረግ፣
• በመልካም አስተዳደር ዙሪያ የህብረተሰቡ ግንዛቤ እንዲጎለብት የማስተባበር፣
• የህብረተቡ ሰላምና ፀጥታ እንዲረጋገጥ የማስተባበርና ከአጎራባች ወረዳዎችና ቀበሌዎች ጋር በጋራ መስራት በማስፈለጉ አንዱ የትኩረት መስክ ሆኖ ተመርጧል ፡፡